هام جداً لكل طالب لديه امتحانات

أثبتت الدراسات أنو الضحك بقوي الذاكرة وبنشط الدماغ ومدري شو بيعمل المهم من شان هيك نقيتلكن كم نكته عزوقي من شان تنشطو دماغكن عالدراسة
بس عنجد الحماصنة على راسي من فوق وماقصدي شي


. أبع حماصنة حرابيق طالعين بتكسي شوفيره كمان حمصي , بدّن ياكلوا الاجرة عالشوفير قام اتفقوا انو ينزلوا بسرعة بس توقف السيارة وفعلا وقفت السيارة قام فتحوا الابواب بسرعة واشتغل الركض رجليهم تدق بضهرهم من السرعة وفاتوا ببناية عالعظم وطلعوا اول طابق ....تاني طابق.... تالت..... هيك حتى وصلو لاخر طابق لزقوا بالحيطان ولا حِس ولا نفس,
بعدين واحد منهم لكش اللي جنبو وقال له: يا ترى شو صار بالشوفير؟؟؟
قال له: لك انا الشوفير بس قلي شو القصة؟!

. مرة الحماصنة جمعوا تبرعات من بعضهم واشتروا قنبلة ليضربوها على ااااااااااااااااااااااااا، قام الطيار الحمصي طار وضرب القنبلة بنص حمص، قاموا سألوه بعدين، ليش ضربت القنبلة بحمص؟ قال لهم: شو احنا دافعين دم قلبنا عالقنبلة لنضربها بااااااااااااااااااااااااا ؟؟!!

· حمصي تاجر مخدرات نزل إعلان بالجريدة: عنا طحين من اللي بالي بالك.

· كان في حمصي وهو ماشي إنشقت شحاطته قام راح خيطها عند الكندرجي بعد أسبوع شافها تحسنت قام فك الخياطه.

· حمصي ضيع حماره رجع لبيته زعلان قالتلو مرته لا تزعل دخلتك علي تسوى عشرين حمار.

· قال في حماصنة عم يعملوا مظاهرة ضد أمريكا. قام لبسوا واحد صورة بوش وحرقوه.

· قال في حماصنة عم يلعبوا ( الغميضة) مع بعضهم ... قام ضاعوااااا

· في ثلاثة حماصنة سرقو بنك ...عجزو عن عد المصاري قالوا خلص بكرة نعرف من الجرايد

· كان في ولد حمصي ساله الاستاذ مين من الحيوانات يصحينا على صلاة الفجر فقال الولد:بابا

· كيف تجعل الحمصي يقرأ رسالة إلى الأبد؟؟؟ أكتب على الوجهين 'إقلب الورقة'

· شو آخر اختراعات الحماصنة...؟؟ بيل يعمل على الطاقة الشمسية...هاهاها

· في واحد حمصي اول مره بحياتوا بياكل علكه قام حلف يمين ما ينام الليل الا لما يخلصها.

· قال في حمصي صغير سأل امه: ماما بس يكبرو رفقاتي مع مين بدي العب

· كان في واحد حمصي بجنينة الحيوانات بمصر بدويلاعب الدب آم مد راسو بألب القفص آمو صاروا يصرخوا العالم آم ألون شبكون خايفين شو رح آكلو

. حمصي اتصل على بيت عالم
ألو....هون فرحان؟؟
لا والله , غلطان
أي لكن ليش رديتو؟؟

. حمصي أللو الدكتور
كل يوم امشي 10 كيلو
بعد شهر اتصل بالدكتور و أللو
أنا بحلب

. حمصي ماشي بالشارع شاف واحد قاله وين الرصيف الثاني ،
قالو هععععع مقابلينك قالو سألت هععععع قالولي هون

. في طالبين وصولو المدرسة متأخرين ، سأل الأستاذ واحد منهم وهو غضبان وينك لهلا ، قاله وهو عم يبكي في ليرة ضاعتلي وكنت عم دور عليها
وما معي غيرها مصروف ، وسأل التاني وأنت وينك لهلا ليش متأخر ، قاله كنت داعسه عالليرة .

. تسعة حماصنة سموا أنفسهم الابطال الثلاثة

. اثنين حماصنة كانوا عم يلعبوا شطرنج ، من قد ما طولت المباراة معهم مات الملك بجلطة

اول وحدة احلى الشي وآخر وحدة