يرى مقعده في الجنة

بسم الله الرحمن الرحيم


عنجد يا أخ طارق أغنيت المنتدى بمواضيعك الحلوة و المعبرة تسلم إيديك
و الله نيال يلي بموت و هو بيعرف إذا كان مصيرو الجنة و الله يطعمك و يطعمنا هيك معرفة
و الله يعين يلي بموت و هو شايف حالو بالنار
و أنا مرة سمعت قصة متل قصتك بس عن إمرأة شافت حالها بالنار و القصة متل مابتذكر : إنو كان في إمرأة صحيح إنها مسلمة بس ما بتصلي و لبسها ما كتير مستر و لما الناس كانوا ينصحوها كانت تقول ( الله بيعرف إنو قلبي طاهر و مؤمن ) و ماكانت تعتبر من الكلام بل كانت تزيد من عنادها
و مرة من المرات بسهرة عائلية ما شافوها إلا وقعت على الأرض لا من تمها و لا من كمها و كان واضح إنها عن تموت . تجمع الكل حوليها و صاروا يقولولها يا فلانة تشاهدي وهي كأني ما عن تسمع و علامات الخوف كانت مرسومة على وجها . استمر الكل بمحاولة جعلها تنطق بالشهادة . الكل كان يقول : قولي أشهد أن لا إله إلا الله و أشهد أن محمداً رسول الله .
بس بدون فائدة و بعد شوي ما شافوها إلا وقفت و هي ترتجف و قالت بصوت مذعور : اشهدكم بأني أرى مقعدي في جهنم
ثم سقطت ميتة
يارب تغفر ذنوبنا يا رحيم و تجعلنا من أصحاب الجنة