صباح الخير و الرحمة للجميع
يا أخوة و يا أخوات أنا مو قلت أنو نزار أهان المرأة أبداً هو وصفها بجميع جوانبها بس إنتو برأيكن و مع اعتذاري أول شي للكلام إلي رح إحكي لما بيوصف أجزاء محددة بجسم المرأة بكون عم يوصفها باحترام و تقديس متل ما قال الأخ the-Nightingale يلي كتيير بعتذر منو لأني صار في سوء فهم بس خيو إنت الحق عليك لما قلت ليش البنات ما بحبو نزار فكرتك بنت فلا تواخذنا أبو الشباب
بنرجع لموضوعنا , المهم يلي بيحكي عن جسم المرأة وهذا الشي موجود بأغلب القصائد الغزلية لنزار متل الحب في الإقامة الجبرية , حين أحبك , قبل أن بعد أن , قراءة في كف امرأة جميلة , من يوميات تلميذ راسب ,.....إلخ . أنا بتصوري لما بشوف بالمرأة بس الأنوثة ما بكون بقدر المرأة متل ما لازم تتقدر و هذا رأي شخصي و ما بلزم حدا بهذا الرأي لأنو كل وجهة نظر بتصدر عن شخص بتعبر عن جزء من مبادئه و معتقداتو و أنا بهالمناقشة الحلوة يلي صارت تعرفت عليكم أكتر
و يا إخت زهرة تابعي تميزك و بالنهاية وجهة نظرك بحترمها كتيير لأنو متل ما قلت رأيك بعبر عن شخصيتك و هالشي ما حدا بيقدر يغيرو و إذا عنجد ما بتزعلوا من القصائد يلي بتوصفكن و إذا الأخ bigboss ما بيعمللنا Delete بساهم بالقصائد يلي نزار تغزل فيها بالمرأة ( اللهم إني صائم )
و صار لازم تشاركينا بمساهمتك يلي ذكرتيها . والله شوقتينا
أخيرا متل ما قلت بالبداية ما حدا يزعل و لا تفكروا إني ما بحترم المرأة بالنهاية كل بنت و كل صبية رح تصير أم و الأم أكتر شي محترم و مقدس بالدنيا كلها
الجمعة أغسطس 29, 2008 6:49 am
